Bawng sa ei a hlauhawm lo

AH&Vety director Dr Saingura Sailo chuan, bawng ke na hri Foot and Mouth Disease (FMD) a lêng nia social media-a tarlan a nih avangin bawngsa hralh a kal lo tih a tarlang a, "Aizawl bazara bawng sa zawrhte hi ei atan a hlauhawm lo," a ti.

AH&Vety Director tarlan danin, social media-ah Mamit leh a chhehvelah FMD a lêng nia sawi a ni a; Mamit district-ah hian Darlak khuaa bawng tlemtêah FMD syndrome hmuh ni mah se, a rang thei ang bera enkawl nghalin, hri lêng zel tur chu an thunun nghal a ni.

Aizawl bazara bawng sa zawrhte chu Slaughter House-ah Vety doctor-te'n talh an nih hma leh hnuah an endik vek ṭhin tih sawiin, "A hrisel ngei leh ei tlaka an ngaihte chauh certifcate pein, bazarah zawrh chhuah a ni," an ti.