Ṭawipui S-ah kawngpui dan tum

Ṭawipui 'S' khawtlang chuan, an khaw chhunga NH-54 kawngpui siam tura hmalakna, zanin zanlai thlenga a awm lo a nih chuan naktuk Inrinni
aṭangin tiam chin awm loin an khua paltlang tur lirthei zawng zawng dan an tum.

Ṭawipui 'S' VCP, Joint YMA leh MHIP president ten hming an ziah hnan press release-a an tarlan danin, NH-54, Lunglei-Tuipang kawng thawm ṭhat mekah, Ṭawipui 'S' khua chu kawng chhiatna ber lai a ni chungin kal kân a ni a; Lawngtlai aṭanga Thingfal thleng kawng an siam tawh hnuah, Ṭawipui 'S' a awm ve tawh tura an ngaih laiin, PWD hotute'n hna thawktute chu Lunglei lama insawn thla vek turin an hriattir a ni.