MISA inkhawmpui

Mizoram Information Service Association (MISA) chuan, nimin khan IPR directorate con-ference hall-ah Annual Conference an hmang a; IPR minister Lal Than-zara'n a hmanpui.

Minister Lal Thanzara chuan, MIS officer-te chu sorkar leh mipui inpawhna hmanrua, sorkar hma-lakna leh hnathawhte mipuite hrilhhretu an ni tih sawiin, "Sorkarna changtu apiang thawhpui hi sorkar hnathawkte mawhphurhna a ni," IPRO-te hnathawh chu fakawm a tih thu a sawi.

Lal Thanzara chuan, IPRO-te harsatna hrang hrang a hriatpui thu sawiin, a ṭul anga lirthei leh hmanraw thar ṭha zawka thuam kawngah puih a inhuam thu a sawi a; Mizoram sorkarin sorkar hmalakna puanzar kawngah chak zawka hmalak a tum tih sawiin, "Chief Secretary hoa department hrang hrang hotute ṭhukhawm pawhin hmalakna zau zawk leh mumal zawka kalpui a remtih tawh a ni," a ti.

MISA conference hi an vice president David L Thangliana'n a kaihruai a, IPR secretary B Lalthanliana pawhin thu a sawi.