Sumdawnna lirtheite an nuar dawn

Commercial Vehicle Joint Action Committee (CVJAC) chuan, lirtheia eizawngtute harsatna sor-karin tun thlenga a chingfel duh lo chu hriatthiam harsa an tih thu an sawi. Hei vang hian May 18, 2016 zing dar 5 aṭangin sumdawnna lirthei zawng zawngte tlan loh an tum thu an puang.

CVJAC hruaitute nimina ṭhukhawm chuan May 18 zing aṭangin tiam chin awm loa nawrh huaihawt an rel a; lungawi lohna an lantir chu Mi-zoram puma lirtheia eizawngte'n zawm vek tur a nih thu an tarlang.

CVJAC chuan, "Lungawi lohna lantir chhung hian bawlhhlawh paih motor emaw, dawr bungaw sem motor leh mimal thil atana hman commercial vehicle anga registration hmangte pawh tlân chhuah loh tur a ni a, tlân lui an awm chuan harsatna leh buaina an tawh pawhin anmahni mawhphurh a ni ang," an ti a; bawnghnute sem lirtheite erawh hriatthiam an nih dawn thu an sawi.