Remna Ni lawmnaah PM Modi sàwm tum

Remna Ni Celebration Organising Committee chu, Ningani tlai khan Central YMA Committee Room-ah an ṭhukhawm a; kumin June 30-a Rem-na Ni lawmna pui ber Lammuala neih turah khual-lian atan prime minister Narendra Modi sawm an rél.

Remna Ni hi Mizoram hmun dang, district head-quarters zawng zawngah leh khaw lian deuhahte YMA sub-headquarters, group leh Central YLA leh MTP-te ruahmannaa hman tum a ni. Central YMA chuan Remna Ni hi Mizoram hmun hrang hranga hman a nih dawn a vangin ruahmanna siam turin YMA sub-head-quarters leh group hruaitute chu May 24, 2016 khian koh khawm a tum.

CYMA chuan, YMA kaihhruaina hnuai-a Rem-na Ni hman a nih theih-na atan sorkar hotu-te'n rua-hmanna an siam avangin sorkar hotute chunga an lawm thu thu-chhuah siamin an tarlang.

Hetih lai hian, Remna Ni lawmna atan Mizoram sorkar chuan sum a thawh dawn a; ruahmanna an siam dan chuan Aizawla lawmna atan Rs. 5,00,000 leh district khawpui dang zawng atan Rs. 3,00,000 pek a ni ang. Remna Ni hi Aizawlah chuan Lam-mualah hman tum a ni.