Tlabung H/S zirlaite sikul kái tur dang

MZP sub-headquar-ters, Tlabung chuan nimin khan Tlabung High School-a English subject bik zirtir tur zirtirtu dah phût nan zirlaite sikul kái tur an dang.

Tlabung MZP mem-ber-te hi zing dar 7-ah an pungkhâwm a; zirlai sikul kái turte chu MZP an hmalakna leh thil awmzia an hrilhfiah hnuah in lama lêt turin an ngen a ni. Tlabung H/S-a zirlaite chuam sikul kai luih an tum lo nia sawiin, lawmawm an tih thu an tarlang.

Tlabung MZP presi-dent P Vanlallawma chuan, Tlabung H/S chu Mizorama H/S upa ber pawl a nih thu leh West Tuipui constituency chhunga sorkar H/S awmchhun a nih thu a sawi a, "Tun dinhmun anga kan kal reng chuan zirlaite'n hlawhchhamna bak an tawng dawn lo. Zirlaite beidawnga siam lo turin sorkar kan phût a ni," a ti.

Tlabung MZP tarlan danin, Tlabung H/S-a English zirtirtu chu kum 2011-ah hmun dangah sawn a ni a, chumi hnuah English subject teacher tur an awm loh avangin, a remchang apiangin an zirtir ṭhin a ni.