HSSLC-a Mizo zirlai tiṭhate lawmpui

Mizo Students' Union (MSU) chuan, nimin khan Vanapa Hall-ah HSSLC Examination 2016-a hlawm (stream) hrang hrang palia Mizo zirlai ti ṭha zual
pathum ṭheuh lawmpuina hun an hmang a; MBSE chairman Dr Lalchung-nunga'n a hmanpui.

Dr Lalchungnunga chuan, MBSE hotu lamin exam answer paper en-diktute hnenah zirlaiin an phû phawt chuan mark ren lo tura an hrilh ṭhin thu sawiin, "Full mark hmu tura answer paper a ṭhat phawt chuan MBSE hian mark a ren ngawt thiang lo. Mark ren emaw ren loh lam ni loin, answer paper-in a zir loh miau chuan mark a pek tam ngawt theih loh bawk,'' a ti.

Lawmpuina inkhawm hi MSU vice president R Lallawmsanga'n a kaihruai a, MSU president Pu PC Lalrinhlua pawhin thu a sawi.

HSSLC-a tiṭhate bakah hian, UPSC Central Services Examination 2015-a tling Elvina Lal-muanpuii Leivon leh M Thangsuansang Zou te, pianphunga rualbanlo pawl 12 pass-te hnenah chawimawina an hlan. HSSLC-a ti ṭha pakhatnain Rs. 5,000, pahnihnain Rs. 3,000 leh pathumnain Rs. 2,000 leh thilpek dangte an dawng a ni.