Mipui duhna palzût lo turin sáwm

Minister Zodintluanga chuan, Mizoram hmar lam khaw 31-a May 19-a V/C thlan turah mipui duh thlanna palzût a hlauhawm thu sawiin, inthlanna dik, ṭha leh felfai a awm theih nana ṭang tlang turin mi tinte a sáwm.

Zodintluanga hian nimin khan Sunhluchhipa vantlang inkhawmah thu sawiin, "Tute emaw poli-tics-a dinchhuah tum vanga mipui duhna palzûta invauna leh mipui-te'n hruaitu thlang thei loa boruak a awm ka hlau. Mipuite duhzawng thlan thei tura inthlanna hun ṭha hi kan bawhpelh leh ang a, inthlang thei loin kan awm leh ang tih a hlauhawm a ni," a ti. Mipui thlan khaw-tlang hruaitu neih loh a pawi thu sawiin, thiang-hlim taka inthlanna nei turin mipuite a sawm a ni.