CM-in Supply Minister a chhan

MPCC president Lal Thanhawla chuan nimin khan Congress Bhavan-a thu a sawinaah FCSCA Minister a chhan a; MNF ṭhalaite'n Supply minister John Rotluangliana báng tura an phût chuan Cong-ress party dinhmun ṭhat-zia a tarlang niin a sawi.

Lal Thanhawla chuan, 'Báng rawh se' titu lama
ṭan chuan dinhmun a chhe hle tihna nia sawiin, "Báng rawh se an tih hian kan dinhmun ṭhatzia a tarlang. Mipuiin buhfai ngheiin, MNF ṭhalaite thusawi hi dik se chuan Chief Minister chuan a tih tur chu minister leh offcial-te kokhawmin thil awm dan a zawtfiah tur a ni. Chutianga tih ngai chuan a awm lo. MNF ṭha-laite hian an thusawi hi an awih ka ring lo," a ti.

MPCC President chuan, MNF ṭhalaite chu bang kil kára buhfai tla la khawm a, buhfai a chhiat thu sawiah a puh a; ration buhfai an lak reng a, buhfai man a to loh a, buhfai a chhiat viau loh chuan MNF ṭhalaite thusawi chu engah mah ngai lo turin an party mite a chah a ni.