DDK leh MSDF-in inremna ziak
Doordarshan Kendra, Aizawl leh Mizoram Sustainable Development Foundation (MSDF) chuan environment humhalhna kawngah leh ram hmasawnna tluantling a awm theihna tura inzirtirna atana thawkho turin nimin khan inremna thuthlung an ziak.
Inremna thuthlung hi kum hnih chhung atana ziah niin, Doordarshan Kendra, Aizawl aiawhin head of programme C Vanlalsiama leh MSDF aiawhin president Dr Lalbiakmawia Ngente-ten hming an ziak.
Inremna ang chuan MSDF-te hian July, 2024 aṭanga June, 2026 thleng thla tin Doordarshan Kendra, Aizawlah ‘Environment & Sustainable Development’ tih thupui hmangin programme vawikhat an nei ṭhin dawn a ni.