LMC property tax assessment buaipuitute tan training buatsaih

Lunglei Municipal Council (LMC) chuan nimin khan Lunglei Convention Centre meeting hall-ah property tax assessment buaipuitu tur mi 24-te tan ram teh dan tur inhrilhfiahna an buatsaih a; LMC executive councillor Zorinsanga Hmar, councillor pahnih - R Lalramzauva leh R Lalremsiama ten an telpui.

Property tax assessment hi LMC-a local council 24-ah neih tura ruahman a ni a, veng hrang hrangte chu category A, B, C leh D-ah ṭhen a ni. Assessment hi thawh hniha ṭhen a ni a; thawh khatnaah Pûkpui, Zotlang, Sekawn, Zohnuai, Bazar Veng, College Veng, Venglai, Rahsiveng, Sazaikawn, Hauruang, Electrict Veng leh Chanmari-te a awm.

Assessment thawh khatnaa awm LC 12-ahte hian ram teh (assessment) tih hmasak tur a ni a; LMC chuan local council hruaitute chu theihtawp chhuaha ram tehtute lo ṭawiawm turin a ngen a ni.