Darlawn Chhimveng YMA-in hmeichhe laka che mawi lo an dem

YMA, Darlawn Chhimveng Branch chuan thuchhuah siamin, an venga chêng mek Laldinpuia (29) s/o Rohlua, Suangpuilawn chu May 12, 2024 zan khan Darlawna hmeichhia kum tling lo chungah mawi lo takin a che tih an tarlang a; Laldinpuia chu an veng rap tawh lo turin an chah.

Darlawn Chhimveng YMA chuan, Laldinpuia chêt dan chu ṭha lo an tih tak zet thu leh thleng nawn tawh lo se an duh thu an tarlang a, "Laldinpuia hian tun hma lamah chanchin duhawm lo tak tak a lo nei tawh a, hetiang a nih mek laia mawi lo taka a che zui mai hi kan dem tak zet a ni," an ti.

Darlawn Chhimveng Branch YMA chuan Laldinpuia chu an veng leilung rap tawh lo turin an chah a; dan anga hrem a nih theih nan hma la turin thuneitute an ngen bawk.