Mumal taka leivûng paih turin CM-in Pushpak hotu a chah

Project Pushpak, Mizoram chief engineer thar GP Singh chuan nimin khan chief minister Lalduhoma chu a pisaah a káwm a, Mizorama Border Roads Organisation (BRO) hnathawh tlangpui a hrilh. CM chuan, kawngpui an sialnaah mumal taka leivûng paih ṭhin turin a lo chah.

CM Lalduhoma chuan Pushpak Chief Engineer chu BRO-in kawngpui an sialnaah leivûng mumal taka paih ṭhin tura a chah bakah; khaw kar kawng chauh an ngaihtuah a, kawngin a paltlang khaw chhung ngaihthah ṭhin chu ṭha a tih loh thu a lo hrilh a ni.

Chief Miniser chuan, BRO-in kawngpui an enkawl mek 18 bakah, Myanmar leh Bangladesh ramri hrûlah kawngpui thar siam dan ngaihtuah turin a chah nghal a; BRO leh Pushpak Chief Engineer thar chu Mizoram sorkarin a lo lawm tih sawiin, a ṭulna apiangah state sorkarin an thawhpui tur thu a lo hrilh bawk.