Child Rights documentary Film CM-in a tlangzarh

Mizoram State Legal Services Association (MSLSA)-in naupangte dikna chanvo humhalh kawnga inzirtirna tura documentary film a buatsaih, 'Documentary film on Child Rights' tih chu May 13, 2016 zan khan Aijal Club-ah chief minister Lal Thanhawla'n a tlangzarh.

Chief Minister chuan, naupangte dikna chanvo humhalh kawngah India leh ram ṭhang mek zawng zawngte'n harsatna an tawh ṭhin chhan pakhat chu inhrilhhriatna a tlem vang a ni tih a sawi a, "Mizoram SLSA-te'n documentary film changtlung tak an siam hian Mizote zingah naupangte dikna chanvo humhalh kawngah rah
ṭha tak a chhuah ngei ka beisei," a ti.

Khawvel changkang zel milin Mizoramah pawh naupangte dikna chanvo humhalhna dan siam ṭhat zel a nih thu sawiin Lal Thanhawla chuan, "Mizoramah hian naupang khuaikhem hi ram chhung hmun dang aiin tlemin lang mah se,
ṭhenawm khawveng hmai-zah vanga puang chhuak lo harsatna tâwk tam tak an awm tih hria a, nasa zawka ṭan lak a pawimawh," a ti. Naupangte chu chhung-kaw khaidingtu tur, ram leh hnam nghahfâk an nih avangin tihluihna tel loa hma an sawn theihna tura hna thawh dan zirtir leh kaihhruai a pawimawh thu a sawi bawk.

Documentary film tlang-zarhnaah hian Mizo-ram SLSA executive chairman Uijal Bhuyan leh Gauhati High Court judge Michael Zothankhuma te pawhin thu an sawi a ni.