Police-in Col. Jasjit Singh kawl leh dawn

Rangkachak tawlhrûk lirthei phurtu suam thu-buaia man, 39 Assam Rifles commandant Col. Jasjit Singh chu police-in darkar 48 chhung an kawl Court-in a phalsak leh. Hetih lai hian, Col. Jasjit Singh hian he thubuaiah hian inhnamhnawihna an neih loh thu a sawi.

Col. Jasjit Singh hi Court-in May 13, 2016-a darkar 72 chhung kawl a phalsakna a tawp dawn avangin police-te chuan nimin khan Aizawl District Court-ah an hruai leh a; Chief Judicial Magistrate (CJM) chuan darkar 48 kawl zui a phalsak leh a ni. Col. Jasjit Singh hi May 5-ah man a ni a, dan ang chuan police-te hian an man aṭanga ni 14 chhung an kawl thei.

Thu dawn danin, Col. Jasjit Singh hian rangkachak phurtu suamnaah hian inhnam-hnawihna an nei lo niin a insawi a; a naute chu silai tawlhrûk chângin Zampuimanga Thlan ni lo, Seling lamah an duty niin police-te a hrilh. Assam Rifles sipai pariat police-in an mante chuan insuamnaa rangka-chak an lakte chu Col. Jasjit Singh hnenah an pek thu an sawi thung.