Policy nei ṭha ber kan la ni: Duhoma

ZNP president Lalduhoma chuan, Congress party leh MNF party policy-te chu 'sem policy' a nih thu a sawi a, "ZNP hi policy nei ṭha ber party kan la ni reng a ni,” a ti.

Nimina an party inkhawmah thu sawiin, Lalduhoma chuan, "Mi beidawng chuan beidawng awm khawmna party an bêl ṭhin a, beisei neite chuan ZNP an pan a, Pathian hruaina vangin Thawhṭanni tûk apiangin mi thar lawm luh tur Pathianin min pe ṭhin," a ti a; ZNP chu huaisen taka an kal zel dawn thu a sawi.

Lalduhoma chuan, Zoram thar siam tura hmalakna an kalpui zel dawn tih sawiin, “Tunlaia sawhthing rate mumal lo leh a man a hniam lutuk a, hengte hi ZNP sorkar se chawp leh chilhin a bo nghal ang. Sawhthing rate hi ZNP a sorkar chuan kg. khatah Rs. 50 aia tlem loa tihpun a ni ang," a ti.

ZNP thuchhuah chuan, nimina an party inkhawmah hian ZNP zawm tharte an president Lalduhoma'n a lawm lut niin an tarlang.