KHAWTHLIR

Thisen pe

Sesawng Bial KṬP chuan nimin khan Sesawng khuaah Synod Hospital tan thisen unit 25 an pe a, a petute mipa 24 leh hmeichhia pakhat an ni.

Arrear pek tum

MADC chief executive member RT Zachono chuan, MADC-a thawkte 6th. Pay arrear la lak loh 48% zinga cheng nuai 282 chu an pek tur thu a puang a, cheng nuai 282 sang pawh a remchan veleha pek tum a nih thu a sawi nia thu dawn a ni.

Hostel hawng

Pachhunga University College-a boys hostel sak thar, 'Zawlbuk' tih chu nimin khan Mizoram University vice chancellor Prof. R Lalthantluanga'n a hawng. Hostel hi cheng vbc 6.85 sêngin BGM Consortium, Kolkata-in an sa a; chhawng thum niin, room 53 a awm a, zirlai 112 awm theihna tur a ni.

Hmar Martyrs’ Day

Sinlung Hills Development Council (SHDC) bultumin nimin khan IPR directorate auditorium-ah Hmar Martyrs’ Day vawi 26-na hman a ni a, SHDC chairman Hmingchungnunga leh secretary Lalfela Sailo ten an hmanpui. Inkhawmah hian Hmar hnam tana nunna hlante sûnna hun hman a ni.

PawngsualtuJail táng dawn

Kum 2014-a hmeichhe pakhat pawlsualtu, Lalringzauva, Zuangtui, Aizawl chu Aizawl Addl. District & Session judge Vanlalenmawia'n kum sarih chhung jail-a táng tur leh Rs. 3,000 chawi turin a hrem. Sum chawi tur hi a pek theih loh chuan ni 10 dang a tàn belh ang.

MUP tel loh tur

Mizoram Upa Pawl (MUP) chuan thuchhuah siamin, BPL Baseline Survey-ah unit ṭhenkhatin telve tura sawmna local council/village council aṭangin an dawng tih tarlangin, “Hqrs.-in sorkar aṭangin engmah sawmna kan hmuh loh avangin tumah basline survey-ah hian tel loh tur,” an ti.