BPL thlan nan tehfung fel tak ruahman

Planning & Programme Imple-mentation department chuan thuchhuah siamin, below poverty line (BPL) baseline survey dik leh rintlak neih a nih theihna atan tehfung fel tak ruahman a nih thu an tarlang.

Planning department chuan, Mizorama retheite chawikanna atana hna thawh dan tur dik leh fel tak ruahmanna tur leh policy mumal tak siamna turin official data dik leh rintlak neih a pawimawh tih sorkartin a hria tih a tarlang a; Mizoram sorkarin official data dik leh rintlak neih tumin ṭan an la mek tih an sawi.

Planning department tarlan danin, tehfung thar hmanga BPL list siam a nih dawn avangin rethei tak tak, mahnia intungnung zo lo bak chu BPL-ah khung theih a ni dawn lo a; ṭanpuina beisei vanga BPL ni lo, BPL list-a khung ve mai a rem dawn lo.

Mi tam takin BPL baseline survey chu rethei thlanna emaw an ti ang tih a hlauhawm tih sawiin, sorkar thuchhuah chuan, "BPL baseline survey-in a tum ber chu, rethei dik takte dinhmun hriat leh tute nge an nih zawn chhuah a ni," a ti.