NSUI-in zirlai tiṭhate an chawimawi

Congress party zirlai pawl, National Students’ Union of India (NSUI), Mi-zoram State chuan nimin Lal Thanhawla Auditorium-ah kumin HSLC-a top 10-te leh HSSLC-a top 3-te hnenah chawimawina an hlan a, chief minister Lal Thanhawla'n a hmanpui.

CM chuan, zirlaite chu ram leh hnam tana chhenfakawm thiamna zir chhuak thei tura ṭan la turin zirlaite a fuih a, "Pathian ṭihna nei chunga thuawih leh taima taka rinawmna nei chunga in hma lam hun in hman chuan Mizoram nghahfak duhawm in tling dawn. Pathian malsawm tlakin fimkhur takin nun hmang ang che u," a ti.

School Education minister H Rohluna pawhin thu sawiin, Mizoramah zirnain hma a sawn theih nan sorkarin theihtawp a chhuah zel tih a sawi a, "Awmze nei zawk leh changtlung zawka zirna kalpui zel tum a ni," a ti a; Mizo zirlaite'n hnam dang leh ram danga zirlaite elpha turin nasa lehzuala ṭan an lak a ngaih thu a sawi.

HSLC leh HSSLC-a zirlai ti ṭhate hnenah hian NSUI chuan lawmpuina thuziak leh laptop an pe a ni.