Khawngaihtu kan ngah thar - ZPM Vice President

ZPM vice president K Sapdanga chuan nimin khan Dinthar vengah an party zawm thar a lawm luhnaah thu sawiin, ZPM chuan khawngaihtu thar an ngah thu a sawi.

K Sapdanga chuan, ZPM chu politics-ah chuan an zei lo fál hle nia sawiin, "Min zawm tura mi sâwm pawh kan thiam lo a, mi thar lo dawnsawn pawh kan thiam lo ber. Chuti chung chuan khawngaihtu thar kan ngah em em a, chhan sên loh kohna kan dawng a, kal thlen phak lohnaah pawh mahni inhuaihawtin unit thar a piang zel a ni," a ti.

AMC inthlan tur chungchang sawiin ZPM Vice President chuan, "Inthlan kan hmachhawn turah hian candidate kan nei ṭha hle dawnin kan inhria," a ti a; mite khawngaihna luang lut mek an dawnsawn thiam phawt chuan Pathian leh mipui zarah AMC sorkar thar chu ZPM sorkar a nih ngei an beisei thu a sawi.