PHE-in inràwnkhawmna buatsaih

PHE department-a Project Management Unit leh Rural Watsan Division, Aizawl chuan nimin khan Seling rama PHE department-in bawlhhlawh ṭawih thei lo sawngbawlna hmun, Seling Plastic Waste Management Unit a din turin a huam tur Darlawn RD block-a khaw 25 khawtlang hruaitute tan Darlawn Block Resource Centre-ah inràwnkhawmna an buatsaih.

Inrawnkhawmna hi Rural Watsan Division (Aizawl) executive engineer H Lallian-mawia'n a kaihruai a; khawtlang hruaitute chuan department hmalak tumna chu ṭha an ti a, an thlàwp thu an sawi.

Seling Plastic Waste Management Unit hi PHE department-in Seling khaw ram chhungah siam a tum a, Thingsulthliah RD Block leh Darlawn RD Block-a village council 36 a huam dawn a ni.

PHE enkawl Swachh Bharat Mission (Grameen) hnuaiah Mizorama thingtlangah bawlhhlawh ṭawih thei paihna (compost pit) siam mek a ni a, chuvang chuan PWMU-ah hian ṭawih thei lo chauh dah tura ruahman a ni.

Aibawk Plastic Waste Management Unit-in a huam chin khaw 22-ah pawh Waste Tech & Bio-Energy nen ṭang dunin bawlhhlawh ṭawih thei lo sâwngbâwlna hlawhtling taka kalpui mek a ni bawk.