Pentikos Ni hmang dawn

Naktuk Pathianni hi Pentikos Ni a ni a, he ni pual hian Mizorama kohhrante'n hun an hmang dawn.

Presbyterian leh UPC (NEI) Kohhran chuan sunday school nei loin chawhma, chawhnu leh zanah Pentikos Ni pualin hun an hmang dawn a; Presbyterian kohhran chuan zan inkhawmah PCI General Assembly pualin an ṭawngṭai rual ang.

Pentikos hi 'Sawm ngana' tihna a ni a; Thuthlung Hluiah chuan Kalhlên Kût ṭiak ni aṭanga ni 50-naah an hmang ṭhin a, Thuthlung Thar hunah erawh chuan Isua thawh leh tûk (easter) aṭanga ni 50-naah hman a ni.