PC party OB-te ṭhukhawm
Peoples' Conference (PC) party office bearer-te chu nimin khan an president Lalhmangaiha Sailo hoin an pisaah an ṭhukhawm a; hma an lak dan turte an rêl bakah, general secretary-te hna chan pual an siam rem.
Lalhmangaiha Sailo chuan, "PC party chuan kum 2023-a Mizorama general election awm turah Zoram mipui nghahfâk sorkar ṭha siam ngei turin theihtawp chhuahin hma kan la dawn. PC founder president Brig. T Sailo-in kan ram dinchhuahna tura hmalakna thui tak a neih tawhte chhunzawm leh turin ke kan pên dawn a ni," a ti a; Six Basic Needs tihhlawhtlin duh apiangte chu thawhpui an inhuam reng thu a sawi.