ZPM-in Rúlchàwm ṭanpuina pe

ZPM Headquarters Ṭhalai hruaitute chuan October 8, Ningani khan Rúlchàwm khaw chhunga lei tawlh a hmunah an tlawh a; a ṭul apianga hman atan pawisa leh silpauline an pe.

ZPM Ṭhalai hruaitute hi Rulchawm VC member-te'n an lo dawngsawng a; ZPM Ṭhalai president Malsawmzuala chuan, Rulchawmah lei tawlhin chhungkaw chenna in pali a tichhia chu pawi an tih thu sawiin, "Kan tih theih tlem mah se, he chhiattawhna a hmuna inhmuhpuia kan phâk tawka inṭanpui duhna lantir hi ṭhain kan hria a, kan lo kal a ni," a ti.

ZPM Ṭhalai aiawhin an president Malsawmzuala leh Baryl Vanneihsangi Tlau ten VC hnenah pawisa leh silpauline an hlân a ni.