Young Catholic Students intawhkhawm

Young Catholic Students (YCS) chuan May 17, Zirtawpni zan aṭanga nizan thleng khan Lengpuia St Xaviers College-ah Aizawl Diocese III Formation Session & VI Diocese Council an hmang a, Aizawl bishop Most Rev. Stephen Rotluanga'n a hawng.

YCS Council-ah hian Mizoram hmun hrang hranga YCS member-te an tel a, thupui chu 'Gen Z for a self sustaining world' tih a ni. Rorel inkhawmah, 2025 Action Plan atan thing phun uar te, ramngaw humhalh tura inzirtir uarte an rél.

Council-ah hian thupui zirho a nih bakah, thing ṭiak eng emaw zat phun a ni a; cultural programme leh intihhlimna hunte hman a ni bawk.

Most Rev. Stephen Rotluanga chuan, khawvel chu chênna tlaka enkawl a ṭul thu sawiin, "Tun hun hi a pawimawh. Hman nawn theih thil hman nawn te, leilung tichhe thei chi hman tlemte leh thing phun uarte a pawimawh," a ti.