IGC-a kawlphetha pek dan tur enfiah

Power & Electricity minister F Rodingliana chuan May 18, Inrinni zing khan industry dinna hmunpui, Industrial Growth Centre (IGC), Luangmuala kawlphetha pekna tihchangtlun dan tur a hmunah a enfiah.

PE Minister hian IGC chhunga industry-te'n chhum lo chat loa kawlphetha an dawn theih nan Luangmual Power Sub-Station aṭanga a bika kawplhetha pek dan tur PE department hotute ruahmanna a siampui a; Luangmual leh Chawnpuia power sub-station-te tlawh nghalin, kawlphetha ṭha zawka pek chhuah dan tur leh sub-station tihchangtlun dan turte a en a ni.

Commerce & Industries minister ni bawk F Rodingliana hian Agriculture minister PC Vanlalruata, adviser to CM pahnih - TBC Lalvenchhunga leh KC Lalmalsawmzauva te nen IGC-a aieng sâwngbàwlna (turmeric processing plant) siamna hmun buatsaih mek an enho nghal bawk.

Printing & Stationery minister F Rodingliana chuan Luangmuala Printing & Stationery kudam pawh PS department hotute nen an tlawh a; thawm ṭhat dan tur leh hun rei tak hman ṭangkai tawh loh hman ṭangkai dan tur an en a ni.