CMO FIR thehluh - CM & CMO zahawmna venhimna a ni : MNF

MNF party chuan thuchhuah siamin, tun hnaia Chief Minister Office (CMO)-in FIR an thehluh chu an tih tur dik tak a nih thu leh CM leh CMO zahawmna leh hlutna venhimna a nih thu an tarlang.

MNF party chuan, Congress party-in October 8, 2020-a an press release-ah, MLA aṭanga Lalduhoma bàn tura ngenna kaihhnawiha thu thehdarhtu zawng chhuak tura CMO-in FIR an thehlut chu àwm lo an tih thu an tarlang tih an sawi a; Congress party chu Chief Minister zah lo taka dâwt thu phuah chawpa thehdarhtute ṭanah leh an thla­vâng hauhah an puh a ni.

CMO thil tih chu an tih tur tak nia sawiin MNF chuan, "Thu dik lo, zêldin thubàwl dâwt phuah chawp mai mai hmanga Chief Minister zahawmna tihhmélhem tumtute zawng chhuak tura FIR an thehlut nghal hi CM leh a office zahawmna leh hlutna venhim nana tih ngei ngei tur a ni zawk," an ti.