MLA-in hnathawh mek a enfiah

South Tuipui bialtu MLA Jeje Lalpekhlua chuan May 18, Inrinni zing khan Hnahthial leh a chhehvela MLA fund leh sum dang hmanga hnathawhte a hmunah a enfiah.

Jeje Lalpekhlua hian Takam Ṭiau kawng MLA fund-a laih mek te, SASCI sum hmanga Hnahthial khelmual panna kawnga lungrem (retaining wall) siam te, Hnahthial DC pisa leh Dènlung inkar kawng siam mekte a hmunah a enfiah a ni.

BCM, Hnahthial South Pastor Biala ṬKP leh UDPA-in May 18-a Hnahthial khawpui tui tlan Tuichâng lui fintu luikawr then fai hna thawka hnatlangte ei leh in senso atan South Tuipui MLA chuan Rs 10,000 a pe a; Hnahthiala MLA office-ah Mizo Upa Pawl sub-headquarters, Hnahthial hruaitute leh YMA Sub-Headquarters hruaitute a kâwm bawk.