Agriculture Reforms sawiho a ni

Agriculture minister C Lalrinsanga hoin nimin khan a pisaah department pali - Agriculture, Horticulture, Irrigation and Water Resources leh Cooperation officer-te leh NABARD hotute'n Agriculture Reforms leh scheme hrang hrangte an sawiho.

Meeting-ah hian India ramin Agriculture reforms nei tura hma a lakna hrang hrang zinga pawimawh te, Farmer Producers Organisation (FPO) 10,000 din belh chungchang te, Agriculture Infrastructure Fund (AIF) hnuaia FPO-te tana sum ruahmannate leh thil pawimawh dangte sawiho a ni.

India rama FPO 10,000 din belh turah hian Mizoramah pawh FPO eng emaw zat din belh a ngaih dawn thu te, chu'ng FPO-te chuan infrastructure siam nan AIF hnuaia sum cheng nuai 200 thlenga an pûk theih dan tur leh, scheme kalpui dan tura ruahmanna siam ngaite sawiho a ni bawk.