Synod HSS-in zirlai ti ṭha chawimawi

18th May, 2016

Synod Higher Secondary School chuan, nimin khan an sikulah kumina HSLC leh HSSLC exam-a tiṭha zirlai 34 hnenah chawimawina thuziak leh tangka fai an hlan.

Zirlai tiṭha chawimawina inkhawm hi vice principal Zirkungi'n a kaihruai a; HSSLC-a Arts topper Christina Lalnunfeli hnenah Rs. 20,000, pasarihna Lalmuankima hnenah Rs. 5,000 leh HSLC-a Science leh Mizo subject-a topper Lalvena Hnamte hnenah Rs. 2,000 hlan a ni.

Synod Higher Secondary Alumni Association pawhin zirlai tiṭhate hnenah lawmpuina an hlan a; an pawl aiawhin president Lal Rinmawia'n Christina Lalnunfeli hnenah Rs. 19,000 leh thuchei, Lalmuankima hnenah Rs. 5,000 leh thuchei, Lavena Hnamte hnenah Rs. 4,000 a hlan a ni.