KHAWTHLIR

Grape tui lei

Champhai Grape Growers Society leh Radiant Company, Guwahati-te'n inremna an siam angin, Radiant Company chuan tun hnai khan Champhai Winery aṭangin grape tui litre 16,000 an lei. Radiant hian grape tui hi Champhai Winery aṭang hian ṭum thum an leina a ni a, thawh khat leh thawh hnihnaah litre khat Rs. 50-in an lei a, a thawh thumnaah chuan litre khat Rs. 65-in an an lei thung.

Ruang chhar

May 16, 2016 zan dar 10 vel khan Bawngkawna Greenwood Hospital bul, Brigade Field péng zun-inah mipa ruang chhar a ni a, a identity card-a a lan danin, Vanlal-tlana s/o Malsawmzuala, Zotlang, Aizawl nia hriat a ni.

Award hlan

Mizoram State Bharat Scouts & Guides chuan, nimin khan St. John's HSS auditorium-ah award sem inkhawm an buatsaih. Lalthlani, Daniel S Thanglianchhawna leh R Lalmuanpuii hnenah long service decoration pek a ni a; Lalawmpuii hnenah medal of merit leh Christina Lalmalsawmi hnenah specials service star hlan a ni bawk.

Free clinic

Kawnpui damdawi-in chuan, sikserh dona beihpui thlakna chi khat atan nimin khan Hortoki khuaah a thlawna inentirna an buatsaih a; mi 73-te hriselna dinhmun an endik bakah, thisen an endiksak a ni.

VCP training

Sorkar laipuiin village-te tihchakna tura ruahmanna a siam Rajiv Gandhi Panchayat Sashaktikaran Abhiyan (RGPSA) chungchangah nimin khan Kolasib district-a VCP te tan SIRD conference hall, Kolasib-ah training buatsaih a ni a, SIRD director Maria CT Zuali'n a hawng. Training hian ni nga a awh dawn a, VCP te chu RGPSA thil tum leh pawimawhnate zirtir an ni ang.

Study Centre

Mizoram University (MZU)-a Women’s Study Centre thar chu nimin khan MZU vice chancellor Prof. R Lalthantluanga'n a hawng. He Centre hi hmeichhiate zirna tihhmasawnna tura din a ni a, University Grants Commission duh dan anga din a ni.