Model school zirtirtute tan training buatsaih

Mizoram sorkarin kumin 2016 academic session aṭanga a din thar govt. model school-a zirtirtute nimin khan SCERT auditorium-ah training a buatsaih a, May 27 thleng a awh ang.

Training hawnnaah hian Education addl. director K Lalrintluanga chuan training-a tel zirtirtute chu an vanneihzia hre tura chahin, model school kalphung tura sorkar rua-hmannate sawiin, "He rua-hmanna hi a ti puitlingtu tur chu zirtirtute an ni a, an pawimawhna leh an mawhphurhna hlen ngei turin ka duh che u," a ti.

Model school atan hian district parukah sikul 10 thlanchhuah a ni a, Aizawlah sikul pali Govt P/S (College Veng), Govt P/S (Chanmari), Govt Boys P/S, Govt P/S (Ramhlun North) te thlan ani ni a, Lungleiah chuan sikul pahnih Govt P/S I (Electric Veng) leh Govt JNM M/S (Electric Veng) thlan an ni.

Serchhipah Govt P/S (Vengchung), Champhaiah Govt P/S II, Kolasibah Govt P/S I leh Mamitah Govt P/S V thlan an ni bawk.