Nuai 427 hû rangkachak man

Mizorama Customs department mite chuan May 17, 2016 khan Seling-ah rangkachak kg. 13.998-a rit an man. Rangkachak hi cheng nuai 427 vel hû a ni a, a neitua puh an man tel bawk.

Aizawla Customs department aṭanga thu dawn danin, rangkachak neitu nia hriat hi Zolian-sanga (46), Tahan A Group, Myanmar nia insawi a ni a, Zokhawthar maxicab hmangin Aizawl lamah a rawn phur thla a ni.

Rangkachak mante chu Aizawla rangkachak chhher ṭhinte'n an enfiah hnuah, rangkachak dik tak a ni tih an finfiah niin an sawi.