Chapchar Kût hman dan thlirlet

Chapchar Kût Organising Committee chuan May 17, 2016 tlai khan chief minister Lal Thanhawla hoin CMO conference hall-ah kumina Chapchar Kût hman dan an thlirlet.

Chief Minister chuan, Chap-char Kût chu uar deuh deuh a ṭul tih sawiin, "Khawvel hriat khawpa kût hlawhtling a nih theih nan leh khualzin hîp luhna hmanraw ṭangkai a nih theih nan ngaihtuahna sên a ngai. Mimal
ṭhahnemngaite hnen aṭang pawhin thurâwn chi hrang hrang dawn a ni a, hengte hi a theih ang anga enzui zel a ni ang," a ti.

Meeting-ah hian Committee member-te chuan kumin Chapchar Kût hman zawh tak chu kum dang zawng aia hlawhtlinga an hriat thu an sawi hlawm.

Kumin Chapchar Kûtah khan Shillong, Manipur, Tripura leh Halflong aṭangin chhimtu an tel a, India ram hmun danga Mizote'n Chapchar Kût chhim ve an dilna chu a ṭul anga bawhzui tum a ni.