Thawhhona ṭha neih dan tur sawiho

Serchhip DC Dr Lalrozama hoin May 17, 2016 khan a pisaah Serchhipa head of office-te an ṭhu-khawm a; thawhhona ṭha lehzual a awm theih dan tur leh hmasawnna hna thawh hrang hrangte an sawiho.

Dr Lalrozama chuan, officer-te nen thawhhona ṭha tak an neih avangin lawmthu a sawi a, "Department hrang hrang enkawltute inhmuhkhawma inhmel-hriat tawn bakah, har-satna, mamawh leh hma-sawnnate sawihona hun ṭha tak kan nei hian mipuite rawng kan bâwlnaah awmzia ṭha tak a neih ngei ka beisei," a ti a; officer-te chu an hnathawhte media kaltlanga puanzâr hreh lo turin a chah.

Inkawmhonaah hian sorkar office tinah fak-selna báwm hûn ni se, an ti a; hun vawn dik kawnga ṭan la thar lehzual turin an infuih bawk.