HSLC-ah Aizawl district-ah pass percentage a sang ber

High School Leaving Certificate (HSLC) Examination 2024-ah zirlai pass zawng zawng (regular & private candidate) aṭanga chhûtin, Aizawl district-ah pass percentage a sang ber a, pass percentage hniam ber Lawngtlai district-ah 49.24% a ni.

Kumin HSLC exam-ah khan Aizawl district-ah exam hmachhawntu zirlai 7,536 zinga 6,237 an pass a, 82.76% niin, pass percentage sanna ber district a ni. Aizawl dawta pass percentage sang ber chu Siaha district niin, zirlai exam 1,245 zinga 1,005 (80.72%) an pass.

District 11 zingah Lawngtlai district tih loh district dang zawngah pass percentage 65% chung lam vek a ni a; pass percentage hniamna ber Lawngtlaiah zirlai 2,035 zinga 1,002 pass in, pass parcentage 49.24% a ni. Pass percentage chhiatna ber dawttu Saitual district-ah 65.15% a ni a, Lawngtlai district nen a inthlauhna 15.91% a tling.