FCI hotute'n Supply Minister an kâwm

Food, Civil Supplies & Consumer Affairs (FCSCA) minister B Lalchhanzova chu nimin khan a pisaah Food Corporation of India (North East) executive director DP Shukla leh hotu dangte'n an kâwm a, Mizorama hna an thawha mamawhte an thlen. Minister chuan, Mizoram hmun laili deuhah FCI kudam sak belh dan ngaihtuah turin a lo hrilh.

FCI hotute chuan, Sairang Dinthara buhfai quintal 1,00,000 dah theihna tur kudam an sak mekah forest clearance avangin buaina an nei a, kudam sak hna a tihṭhuanawp tih an thlen a ni. Minister chuan, Land Revenue & Settlement hotute'n an buaipui mek thu leh compensatory afforestation atan ram an hmuh tawh thu a lo hrilh a; EFCC department pawhin theihtawp an chhuahpui tur thu a sawi.

B Lalchhanzova chuan, Khawzawla FCI kudam, buhfai qtl. 33,400 dah theihna tur sakna hmun chu lei a nghet tâwk loa sawi a nih avangin endik thuai a, a rang lama hma la turin FCI houtute a chah a; Mizoram hmun laili deuhah a ṭul anga kudam sak belh dan ngaihtuah tur ngenna chu FCI hotutte chuan an lo bawhzui tur thuin an chháng.

FCI hotu Sandeep Deora chuan, Sairang Dinthar leh Khawzawla FCI kudamte sak zawh an nih chuan Mizoramah FCI-in ṭum khatah thla riat tla buhfai chhêk khâwlna hmun an nei thei dawn tih a sawi.