Police vote thlâk loh vangin MPCC-in PIL thehluh tum

Mizoram Pradesh Congress Committee (MPCC) chuan, Uttar Pradesh, Bihar leh Madhya Pradesh state-a inthlannaa duty Mizoram police mi 1,047-te'n Lok Sabha inthlanah vote an thlâk theih nan Gauhati High Court-ah public interest litigation (PIL) thehluh an tum.

MPCC hruaitute chu nimin khan an president Lal Thanzara hoin an ṭhukhawm a; Mizo IR police mi 1,047-in state danga an duty avanga Lok Sabha inthlana vote an thlak teih loh chungchangah, Election Commission of India-in vote thlâktir a tum lo nia a lan avangin, Mizo police-te'n vote thlak ngei theih nan Gauhati High Court-ah PIL thehluh an rél a ni.