Ruihhlo do dan tur ngaihtuah

Ruihhlo Do Core Committee hnuaia Working Committee on Ruihhlo Do chu nimin khan Social Welfare minister Lalrinpuii hoin Secretariat conference hall-ah an ṭhukhawm a; kum hmasa lama hmalak tawhnate an thlirho bakah, hmalak leh dan turte an sawiho.

Ṭhutkhawmah hian kum hmasa lama an hmalak tawhnate leh hmalak leh zel dan turte an sawiho bakah, district hrang hranga bawrhsapte leh an aiawhte'n hma an lak tawh dante an sawi a; Police department, Excise & Narcotics department, Social Welfare & Tribal Affairs, Health department, Mizoram State AIDS Control Society leh Cental YMA aiawhte'n hma an lak tawh dante an sawi bawk.

Working Committee hian ruihhlo donaah chak zawka hmalak a nih theih nan ṭul leh pawimawh hrang hrang an ngaihtuah a, state level, district level leh village level-a hmalak dan turte an ruahman. An ruahmannate chu vawiina Chief Minister hoa Core Committee on Ruihhlo Do ṭhutkhawmah thlen a ni ang.