Chetsualna vangin mi pahnih thi

May 19, Pathianni khan Rualthansangi (39) w/o K Laltlanthanga, Lawngtlai Bazar Veng leh Vanlalremfela Sailo (2) s/o Lalnunmawia Sailo, Keifang Venghlunte chu chêtsualna avangin an thi.

Vanglaini thu dawn danin, Rualthan­sangi hi a pasal nen Siaha aṭanga an haw lam chu Tuipui Ferry-ah an châwl a, Rualthansangi'n ui notê tuia a chiah dai lai chu maxicab a hnung zawnga tlanin a sú a ni. Rualthansangi hi a lú-ah a hliam a, Lairam Christian Medical College, Lawngtlai panpui ni mah se, a hliam tuar loin a thi.

Vanlalremfela Sailo hi Pathianni chawhnu inkhawm laiin an kohhran biak-in bul tuizem aṭangin a tla a, Greenwood Hospital-ah enkawl nghal ni mah se, a hliam tuar loin zan dar 8:15 a thi. Vanlalremfela hi chawhnu inkhawma naupang hla remnaah pawh a tel a, zung tura a ute nen an chhuak chu biak-in kawt zawla RCC tuizem, ft. 15 vela sang aṭangin a vâk liam palh a ni.