Phullen Police Beat Post hawng

IGP (Law & Order) Lalbiakthanga Khiangte chuan nimin khan Saitual district-a Phullen khuaah Police Beat Post a hawng a; police-te chu zu rûi leh ruihhlo ngaite lakah kut tiram mai loin, dan ang taka che zel turin a chah.

Lalbiakthanga Khiangte chuan, Phullen Beat Post-a duty tur police-te chu khawtlang tana thawhpui nuam an nih a ngaih thu sawiin, "Police station-a lo léng lut tawh chin chu mi mangang ṭanpui ngai an ni tawh ṭhin a, office rawn dàwrtu mipui lo ngaihsak hle ang che u," a ti.

Saitual SP Pukhraj Kamal Gupta tarlan danin, January 25, 2024 khan Phullen Beat Post chu Saitual Police Station hnuaia ding turin thupek chhuah a ni. Phullen Beat Post office atan Phullen VC-in NERLP building an hmantir a; thawktu ASI hoin mi pasarih an awm a ni.