CADC-ah EM thar pakhat la lut

22nd May, 2024

11th Chakma Autonomous District Council (CADC) exe-cutive member (EM) atana Chhotapansury constituency bialtu member of district council (MDC) Supreme Raj Chakma chu nimin khan Chawngtea Arts & Culture Hall-ah Lawngtlai additional DC B Malsawmtluangi'n rinawmna thu tiamtirin a la lut.

Supreme Raj Chakma hi CADC inthlanpui 2023-ah Indian National Congress (INC) ticket-in Chhotapansury bial aṭangin thlan tlin a ni a, a hnuah MNF party a zawm. CADC CEM-in EM atana a rawtna chu May 7, 2024 khan Mizoram Governor-in a pawmpui a, nimin khan EM atan lak luh a ni.

CADC-ah hian elected MDC seat 20 a awm a, CADC term kal mekah hian EM pasarih awmin, CEM hoin Executive Committee-ah member pariat an awm mek a ni.