MSCW Chairperson-in sawipui

Mizoram State Commission for Women (MSCW) chairperson C Lalchhandami chuan nimin khan Ministry of Social Justice and Empowerment joint secretary Radhika Chakravarthy chu a pisaah a hmu a, Mizoram din­hmun leh mamawhte a sawipui.

C Lalchhandami hian, Mizorama hmeichhia ruihhloin a tihbuaite leh rahbi tleu laklawh vanga mahni inzuarte'n leirem an rah leh a, kawng dik an zawh leh theihna tur leh anmahni intun nunna tur te, pa ber thih vanga hmeithaite leh fahrahte intun nunna turte Radhika Chakravarty a sawipui a ni.

Radhika Chakravarty chuan, MSCW chu theihtawpa puih a tum thu sawiin, Ministry-ah rawtna thlen turin a lo chah a; MSCW chu state action plan hnuaia intât lut tura chahin, chuta ṭang chuan project thar tam tak dil theih a awm thu a sawi.