Hmun hnihah kuhva rah man a ni

March 20, Thawhṭanni zan khan Khawzawl police-te'n Myanmar aṭanga lak luh kuhva rah ip 120 an man a, nimin zing khan Bilkhawthlir Kuhva Chingtu Pawl-in kuhva rah tawlh rûk eng emaw zat an man bawk.

Bilkhawthlir Kuhva Chingtu Pawl duty-te chuan nimin zing khan Lalawma, Bawngkawn, Aizawl nia inchhál khalh Bolero MZ-01 AA-1842 leh Abu Husain, Bagha khalh Alto car AS-11 AB 4261 aṭangin kuhva rah ip riat ve ve an man. Kuhva rah an hlan thlak hnuah lirthei leh a khalhtute chu an chhuah leh nghal a ni.

Khawzawl Police-te chuan Thawhṭanni zan dar 7 vel khan New Chalrang khaw daiah truck pahnih aṭangin kuhva rah ip 120 an man a, cheng nuai 24 hûa chhût a ni.

Kuhva rah mannate chu - Paumuanthanga (22), Ngûr, Champhai district khalh truck MZ-04 A-5442 aṭangin ip 50 leh Kapchhawnthanga (28), Ngûr khua nia inchhál khalh truck MZ-04 A-6276 aṭangin ip 80 a ni a; kuhva rah leh lirthei khalhtute chu Custom Preventive Force, Champhai hnenah hlan a ni.