Khaw 31-ah V/C thlan a ni

Nimin khan Mizoram hmar lam, Aizawl dis-trict-a khaw 25 leh Ko-lasib district-a khaw parukah village council inthlan neih niin, mipui-te'n vote an thlak. Inthlan zawh veleh vote tlate chhiar nghal ni mah se, result kimchang kan hre hman lo.

V/C thlannate hi Ai-zawl district-ah chuan - Daido, Damdiai, Khaw-lian, Khawpuar, Lâmherh, Lungsum, Mauchâr, N. Khawdungsei, North Khawlêk, North Ṭinghmun, NE Tlangnuam, New Vervek, Palsang, Phuaibuang, Ratu, Sailutàr, Sakawrdai, Sunhluchhip, Thingsât, Vaitin, Suang-puilawn, Vanbawng, Záwng-in, Zohmun leh Zokhawthiang-te a ni a; Kolasib district-ah chuan - N. Chawnpui, North Hlimen, Phainuam, Saihapui-V, Saipûm leh Saiphai-te a ni.

Inthlanah hian mipui-te'n tluang takin vote an thlak a, buaina leh boruak duhawm lo thleng a awm hriat a ni lo. Inthlan hi State Election Commission (SEC)-in a ruat election observer-te'n a hmunah an vil reng a ni.

Aizawl district-a V/C 25-ah seat 99 awmin, candidate 322 an awm a; chungte chu Congress party candidate 98, MNF candidate 84, BJP candidate 40, ZNP can-didate 19, MPC candidate pakhat leh independent candidate 80 an ni.

Khaw 25-ah hian voter 16,051 an awm a; nimin chawhnu dar 2 thlenga vote tlak tawh dan chu 48.61% a ni a, mipa 3,539 leh hmeichhia 4,263, an vaiin voter 7,802-in vote an thlak tawh a ni. Chawhnu dar 2 thleng hian khaw ṭhenkhatah vote an tlak ṭhat tawh viau laiin, vote a la tlak tam vak lohnate a awm.

Kolasib district-a V/C parukah seat 26 awmin, candidate 99 an awm - candidate-te hi Congress 26, MNF 24, BJP 10, ZNP pariat, HPC 13, MPC pahnih leh independsent 13-te an ni. Khaw parukah hian voter 4,493 an awm. Nimin tlai dar 4 thleng khan khaw parukah vote 62.63% a tla tawh a ni.