John Rotluangliana báng turin an phût

MNF ṭhalaite chuan, Transport leh Supply department changtu minister John Rotluangliana chu a hna tlin ngang loah puhin, báng ngei turin an phût. MPC ṭhalaite pawhin a hna tlin loah ngaiin, a hna chanpualte chu mi dang kuta hlân mai turin Transport Minister an ngen.

Commercial Vehicle Joint Action Committee (CVJAC)-te nawrh chhana mawhphurtu pawh Transport minister John Rotluangliana a ni tih sawiin, MNYF chuan, "Transport leh Supply Minister ni zel tlakah kan ngai lo a, a báng ngei tur a ni," an ti.

MNYF chuan, hmarchhak state dangte'n road tax 2%, 3%, 4% leh a la sang deuhte'n 5% chauha an lak laiin, Mizoram sorkar chuan life time tax 6%, kum 15 atan a la niin an sawi.

MPCY chuan, CVJAC-te nawrh chhan chu Mizoram sorkar mawh liau liaua an ngaih thu sawiin, "A rang thei ang bera CVJAC thil phût tihhlawhtlinsak turin Mizoram sorkar kan phût. Minister Pu John Rotluangliana hian a mawhphurhna a hlen ngam loah kan ngai a, a portfolia hi mi dang kuta hlân turin kan ngen a ni," an ti.