Zirlai harsatna titawp turin ngen

Congress party zirlai pawl, National Students’ Union of India (NSUI), Mizoram State chuan thu-chhuah siamin, CVJAC-in nawrh an huaihawt avangin MZU zirlaite'n harsatna an tawh chu tihtawpsak thuai turin CVJAC a ngen.

NSUI chuan, CVJAC-in sumdawnna lirthei tlân an phal loh avangin MZU zirlai phur ṭhin bus 30 an tlan thei lo tih sawiin, "Zirlai ṭhahnem takin class an kal theih loh phah a, MZU programme hrang hrang a khaihlak nasain, zirnain nasa takin a tawrh phah mek a ni," an ti.