Library Awareness Drive buatsaih a ni

Mizoram State Library chuan Public Library Day pualin nimin khan Millennium Centre kawtah Library Membership & Awareness Drive an buatsaih a, State Central Library-a lehkhabu eng emaw zat a duh apiang hawh leh chhiar theih turin an phochhuak.

Library Membership & Awareness Drive-ah hian library brochure sem a ni a; State Central Library member atana inziak lut thar mi 34 awm an awm a, lehkhabu 51 hawh chhuah a ni.

Raja Rammohan Roy Library Foundation (RRRLF) chuan social reformer ropui Raja Rammohan Roy pian champha May 22 chu amah hriatreng nan kum 2015 khan Public Library Day atan a puang. He ni pual hian Mizorama public library hrang hrangte chuan an theih ang angin hun an hmang ṭhin a ni.