Kût buatsaih dan tur rêl

Tourism minister Lalrinpuii hoin nimin khan a pisaah Tourism department-in kumina kût (festival) a buatsaih tur - Winter Festival leh Leitlangpui Music Festival huaihawt dan tur sawiho a ni a; kûtte chu event management buaipuitute kuta dah (outsource) a, a buaipuitu tur tender hmanga thlan an rêl.

Tourism department-in kum hmasa lama a lo buatsaih tawh ṭhin Winter Festival chu kuminah pawh buatsaih leh tum a ni a; kum tàwp lamah vêk Lungleiah Leitlangpui Music Festival buatsaih tum a ni.

Kût pahnih huaihawtnaah ruahmanna fel leh ṭha zawk a awm thei nan te, Mizorama hnam hrang hrang an tel theih nan te, khualzin tam zawkin an chhim theih nante event management-te huaihawttir an rêl a ni.