Experiential Learning Centre din mek

Champhai district Management Committee of Experiential Learning Centre chu May 22, Nilaini khan bawrhsap James Lalrinchhana hoin DC conference hall-ah an ṭhukhawm. ELC bungrua - EGG VR, bike racing, car racing, 360VR, gaming arena, walk the plank leh holoworld khawlte bun mek a nih thu tarlan a ni.

James Lalrinchhana chuan, Experiential Learning Centre (ELC) chu Ministry of Information & Broadcasting kaltlangin state thlan bikah din a nih thu a sawi a, "Champhai district hi Mizorama ELC hmalakna awm chhun a ni. Thiamna sang zelah artificial intelligence-in kan nunah hmun a chan nasat avangin games mai bakah, zirna puitu turte dah a ni dawn," a ti.

ELC hi Champhai New Market (CHANEM) building-ah bun mek a ni a, April 29, 2024-ah hmunhma chei ṭan a ni. Virtual reality gaming bik atan BellAtoZ mithiamte'n May 18, 2024 khan an endik a, May 20, 2024 khan master trainer turte training an neihpui tawh.

ELC bungraw hrang hrang EGG VR (a ruala mi pahnih chuan theihna), bike racing, car racing, 360VR, gaming arena, walk the plank leh holoworld khawlte March 29, 2024 khan Champhai phurh thlen a ni a, bun mek a ni.

DC hoa ṭhutkhawmah hian chak zawka hna thawh dan tur sawiho a ni a; hnathawh hmabak la awmte a rang thei ang bera zo tura hmalak ni se, an ti. Kumin June thla chhung ngeia hawn an rêl bawk.